سخن روز

وايي په کندهار کي د سپيانو د وژلو عمليات له هغه وروسته پيل سول، چي په عینو مېنه کي ئې يو بې ګناه کوچنی داړلی او وژلی وو؛ خلکو د دوی ددې کړني په مقابل کي د ټولو سپيانو د منځه وړلو ږغ پورته کړ، چي په نتيجه کي ئې يوازي تېره شپه ۶۰ سپيان ووژل سول او دا لړۍ لا روانه ده.

نن سپيانو په ژړانده سترګو او د حال په ژبه له انسانانو پوښتنه کول، چي په موږ کي څو لېونو يو کوچنی و داړئ، تاسو زموږ د ټولو د وژلو او له منځه وړلو ږغ پورته کړ؛ کلونه کلونه کېږي، چي تاسي د خپلو او پردیو له خوا وژل، ترټل او توهينېږئ، ايا کله مو هم د دوی پر ضد يو ږغ پورته کړی دئ!

په رشتيا چي دنيا د زورورو ده، کمزوری په کوچني عمل له منځه ځي او زورور په هر رنګه بد عمل اتل بلل کېږي.

:: اړونده موضوع: جالبي پيښي
:: تړاو: پند

ن : ت : ۱۴۰۳/۰۱/۰۷

مغولي چنګيز که په نورو هيوادو او نورو ملتو کي د بې رحمه، يرغلګر، وحشي او قاتل په نومونو يادېږي؛ خو په خپل هيواد(مغولستان) او خپل اولس کي د ميني، محبت، سولي، عدل او د تاريخ د زريني څېرې په نوم پېژندل کېږي او عکس ئې په ډېر وياړ سره پر پيسو چاپېږي.

#هدفــ: يوې پېښي ته هر څوک له خپلو عینکو(په منفي او مثبت نظر) ګوري، خو منصفانه نندارچي تاريخ دئ.

:: اړونده موضوع: زما ژباړي، جالبي پيښي
:: تړاو: د تاریخ خبري

ن : ت : ۱۴۰۳/۰۱/۰۷

د شلمي پېړۍ په اوايلو کي د انګلستان د هايکام په ښار کي به هر کال د هغه ځای د ښاروال او مامورينو وزنونه تلل کېدل؛ هر کله چي به د چا وزن ډېر سوی وو، د سزا په ډول به ئې په ورستو روميانو او خرابو سوو مېوو ويشتئ.

:: اړونده موضوع: زما ژباړي، جالبي پيښي
:: تړاو: د تاریخ خبري

ن : ت : ۱۴۰۳/۰۱/۰۷

د المان په وينسټر بورګ ښار کي يوه کلا ده، چي د وفادارو ښځو په نوم يادېږي؛ وايي په ۱۱۴۰م. کال کله چي درېيم کنراد پاچا د وينسټر بورګ ښار ونيوئ، خلکو غوښتل چي يوې کلا ته پناه يوسي.

کنراد پاچا امر وکړ، يوازي ښځو او کوچنيانو ته اجازه سته، چي دې کلا ته پناه یوسي او په امن کي پاته سي؛ و ښځو ته د درنښت او بخششۍ په توګه ئې په دې شرط د هر هغه قيمتي شي د وړلو اجازه ورکړه، چي د وړلو وس ئې ولري.

عسکر د څارني په موخه ولاړ ول، ګوري چي هري ښځي خپل مېړه په غوټه کي اچولی او کلا ته ئې وړي‌؛ پېغلانو هم خپل پلرونه او وروڼه په غوټو کي ورسره اخيستي دي.

پاچا چي له دې کيسې خبر سو، په خندا سو، ويل ئې پر خپله ژمنه ولاړ يم، اجازه ورکئ، چي ښځي خپل نارينه له ځان سره بوځي!

له هغه وخته دا کلا د وفادارو ښځو په نوم و نومول سوه.

#هدفــ: د لويانو قول-قول، او وينا ئې وينا وي، که څه هم کړې خبره ئې په ډېر تاوان تمامېږي!

#دقانع_ژباړه

:: اړونده موضوع: زما ژباړي، جالبي پيښي
:: تړاو: د تاریخ خبري

ن : ت : ۱۴۰۳/۰۱/۰۷

کله چي مغولو پر بغداد يرغل وکړ، د هغه عصر د علماو ټول کتابونه ئې د دجلې سيند ته ور واچول؛ تاريخونه وايي، چي ددې کتابونو په سياهۍ د سيند د اوبو رنګ تور واوښت؛ وروسته ئې عالمان او پوهان ووژل، چي د دوی په وينو د دجلې د اوبو رنګ سور سو.

تاريخونو دا ورځ د اسلامي طلايي دورې چي تقريباً شپږ پېړۍ ئې دوام وکړ، د پای ورځ نومولې ده.

:: اړونده موضوع: زما ژباړي، جالبي پيښي
:: تړاو: د تاریخ خبري

ن : ت : ۱۴۰۳/۰۱/۰۷

ادوارد مورداک په ۱۸۸۷م. کال کي د انګلستان په سلطني کورنۍ کي پيدا سوی.

ادوارد دوه مخه لرل؛ يو اصلي چي خبري، خوراک او چښاک ئې په کولای سوه؛ بل مخ ئې شاته وو، چي يوازي ئې خندا، ژړا او جالب اوازونه کول.

ادوارد له خپلي دوهمي څېرې سره سخت په تکلیف وو؛ همزولو ملګریتوب نه ور سره کاوه او نه ئې خبري ورسره کولې.

د شپې ئې هم خوب نه سو کولای، ځکه چي دوهم مخ خوب ته نه پرېښاوه؛ ډېر وېرونکي اوازونه به ئې ورته کول، دا مخ دده له کنټروله وتلی وو.

ادوارد د دوهم مخ له مزاحمت څه د فکر اړولو په موخه د موسیقۍ زده کړي ته مخه کړه، خو دوهم مخ بيا هم د موسيقۍ زده کړي ته نه پرېښودئ.

پر ډېرو ډاکترانو وګرځېدئ، خو چا نه سو کولای، چي اضافي مخ ځني لېري کړي.

له ژونده ډېر ستړی سو، نور ئې دا حالت نه سو زغملای، بلآخره ئې د عمر پر ۲۳کلنۍ ځان وژنه وکړه.

#دقانع_ژباړه

:: اړونده موضوع: زما ژباړي، جالبي پيښي
:: تړاو: د تاریخ خبري

ن : ت : ۱۴۰۳/۰۱/۰۶

له اول نړيوال جنګ وروسته د المان پيسې دونه بې ارزښته سوې، چي خلکو د سونګ د توکو د رانيولو پر ځای کاغذي نوټونه د ځان ګرمولو له پاره په بخاريو کي سوځل.

:: اړونده موضوع: جالبي پيښي
:: تړاو: د تاریخ خبري

ن : ت : ۱۴۰۳/۰۱/۰۶

ارواپوهان وايي، څو ژوري ساوي اخيستل او يوه خوله خندا؛ پر زړه او مغز د زرو حملو مخه نيسي.

:: اړونده موضوع: جالبي پيښي
:: تړاو: روغتیا

ن : ت : ۱۴۰۳/۰۱/۰۶

اسټالين په دفتر کي وو، منشي ئې ورته راغئ، ول، يو سړی راغلی، غواړي ستاسره وويني، وايي زه کولای سم، چي ستا د راتلونکي په اړه وړاندوينه درته وکم.

اسټالين امر وکړ، چي دا سړی اعدام کئ؛ دا چمبازه ولي د خپل اعدام وړاندوينه نه کوله.

:: اړونده موضوع: زما ژباړي، جالبي پيښي
:: تړاو: جالب

ن : ت : ۱۴۰۳/۰۱/۰۶

په جرمني او اتريش کي له زندانه تېښته غيرقانوني نه ګڼل کېږي؛ دوی په دې عقيده دي، چي ازادي د انسان طبيعي حق دئ، هر انسان بايد د ځان د ازادۍ له پاره هڅه او کوښښ وکړي.

:: اړونده موضوع: جالبي پيښي
:: تړاو: جالب

ن : ت : ۱۴۰۳/۰۱/۰۶

#معلومات!

ټېلفون الکساندر ګراهام بل اختراع کړ؛ د ټېلفون اولین لین ئې د خپلي معشوقې "آلساندرا لولیتا اوسوالډو " کور ته وصل کړ.

په هر ځل اړیکي نیولو کي ئې خپلي میني ته په بشپړ نامه ور ږغ کول، لږ وخت وروسته ئې نوم ور لنډ کړ، د "آله لول اس" په نامه ئې بلله.

څه وخت وروسته ئې دا نوم نور هم پسي لنډ کړ، د "الو" په ویلو سره ئې ټلیفون ته جواب وایه.

الکساندر د ښار نورو سیمو ته هم د ټېلفون لینونه وغزول؛ خلکو هم دده په څېر د ټېلفون جواب په "الو" سره ورکاوه.

نن ورځ په نړۍ ډېر خلک د "الو" په ویلو ټېلفون جوابوي، خو په د الو په فلسفه خبر نه دي.

#د_قانع_ژباړه

:: اړونده موضوع: زما ژباړي، معلومات او تکنالوژي، جالبي پيښي

ن : ت : ۱۳۹۹/۱۱/۱۱

په اروپا کي پنځه سوه کاله مخکي د طاعون ناروغي د رنسانس د راتګ سبب سوه.
د طاعون ناروغۍ تر خپرېدو مخکي خلکو فکر کاوه، چي کلیسا اومسیحي روحانیون شفاء ورکونکي دي؛ خو دطاعون له راتګ سره خلکو په خپلو سترګو ولیدل، چي د مسیحي روحانینو مقدسي اوبه او دمونه ناروغان نسي ژغورلای؛ بلکي خپله روحانیون هم د طاعون په ناروغي اخته او مړه کېږي...
د کلیسا چي څه په توان کي ول، هغه یې وکړه، څو د طاعون مرض له منځه یوسي؛ د پیشانو له وژلو څخه را نیولې د یهودو تر وژلو پوري، خو هیڅ نتیجه ئې ونه لیده.
دا موضوع ددې سبب سوه چي خلک له خرافاتو او توهماتو څخه لیري سي او د رنسانس زرین پېر ته مخه کړي.

#خرافات

:: اړونده موضوع: زما ژباړي، زما خبري، جالبي پيښي
:: تړاو: درنې خبري

ن : ت : ۱۳۹۹/۰۲/۰۶

وایي: د داودخان په زمانه کې یو سړی راغی داودخان ته یې وویل د ټانګې کرایه ډیره زیاته شویده 
داودخان سملاسی شخصي لباس واغوسته او لاړ ټانګې وال ته یې وویل 
محترمه تر څرخي پله څو اخلې؟ 
ټانګې وال بغیر له دې نه چې ویې پیژانی ورته وویل"
زه په دولتی نرخ باندې کار نکوم!
داودخان:۵؟
ټانګې واله پورته ځه!
داودخان: ۱۰؟
ټانګې واله پورته ځه!
داودخان: ۱۵؟
ټانګې واله پورته ځه!
داودخان: ۲۰؟
ټانګې واله؛ را پنجه شه!
داودخان سپور شو ټانګې واله داودخان ته وکتل او ویې ویل:
عسکر یې؟
داودخان: پورته ځه!
ټانګې: واله تورن یې؟
داودخان:پورته ځه!
ټانګې واله: واله جنرال یې؟
داودخان: پورته ځه!
ټانګې واله :مارشال یې؟
داودخان؛پورته ځه!
ټانګې واله:هسې نه چې داودخان یې؟
داودخان: را پنجه شه!
د ټانګې واله رنګ بدل شو داودخان ورته ...وویل وویریدې؟
ټانګې واله: پورته ځه!
داودخان؛ولړزیدې؟
ټانګې واله:پورته ځه!
داودخان:متیازې دې وکړې؟
ټانګې واله؛ پورته ځه!
داودخان: ډکې بولې دې وکړې؟
ټانګې واله: را پنجه شه!
هی هی ټانګې واله:ما زاندان ته وړې؟
داودخان:پورته ځه؟
ټانګې واله:بل ځای ته مې بدلوې؟
داودخان:پورته ځه!
ټانګې واله: اعداموي مې؟
داودخان: را پنجه شه ......

:: اړونده موضوع: جالبي پيښي، سرګرمۍ او انځورونه

ن : ت : ۱۳۹۴/۰۴/۱۸

د ۱۹۶۳م کال د نوامبر په دوه ویشتمې د امریکا جمهور رییس جان اف کنېډي په ۴۶ کلنۍ په ډالاس ښار کي ووژل شو. د عکسونو دغه ګلري د جان اف. کنېډي د ژوند ځیني شېبې انځوروي او په دې کي د ده مور او پلار، ماشومانو، د ۱۹۶۰ کال انتخاباتي کمپاین او په ډالاس ښار کي د ده ترور او جنازې د مراسمو تصویرونو لیدلای شئ

جوزف کنېډي د جان اف. کنېډي پلار، مور یې روز، خویندې یې کاټلین، پاتریشا او جین. ورونه یې اډوارډ او رابرټ ۱۹۳۸ میلادي کال د لندن ښار.

جان اف. کنېډي له خپلې کورنۍ سره په سوت همټڼ کې د فرانسې نورمانډي بېړۍ ترڅنګ. انګلستان – د جولای دویمه ۱۹۳۸

جان اف. کنېډي د امریکايي سمندري ځواکونو د PT-109 بېړۍ د سمندري ګزمې پر مهال په ارام سمندر کې د ګواډل کانال ته څېرمه – د ۱۹۴۳ میلادی کال د جولای میاشت.

د ډیموکرات ګوند کاندید جان اف. کنېډي دامریکا د جمهوری ریاست د انتخاباتي کمپاین پرمهال – د می ۱۴ مه ۱۹۶۰ نیویارک.

د ډیموکراټ ګوند کاندید جان اف. کنېډي او ریچاډ نیکسن د جمهوري غوښتونکو ګوند کاندید د لومړي انتخاباتي بحث پرمهال چې په ملي سطح له ټلویزوین څخه خپور شو – د شیکاګو ټلویزیون سټډویو – د سپټمر ۲۶ مه ۱۹۶۰م کال.

جان اف. کنېډي د قاضي القضات "ارال وارن" پر وړاندې د امریکا د پنځه درېشم جمهور رییس په توګه لوړه وکړه. ۲۰ جنوري ۱۹۶۱ واشنګټن.

جمهور رییس  جان اف. کنېډي د یوې بیانې په ترڅ کې د امریکا د کانګرس له غوړو وغوښتل؛ چې له ۱۹۷۰میلادي کال مخکې لومړي فضانورد ته بودجه ځانګړې کړي – ۲۶ می ۱۹۶۱میلادي.

جمهور رییس  جان اف. کنېډي له خپلې لور کارولین او زوی جان جونیر سره د سپینې ماڼۍ په بیضوي خونې کې. ۱۰ اکتوبر ۱۹۶۲میلادي.

جمهور رییس  جان اف. کنېډي په کیوباکې د راکټي بحران پر مهال، کیوبا ته د وسلو د لېږل د درولو اعلامیه لاسلیک کوي. ۲۳ اکتوبر ۱۹۶۲.

جان اف. کنېډي د المان په شوینبرګ ښار (Schoeneberg ) په مرکزي هال کې د وینا پرمهال، دلته ده خپله مشهوره بیانیه "زه یو برلینی یم" ورکړه. ۲۶ جون ۱۹۶۳.

جمهور رییس  جان اف. کنېډي او مېرمن یې ژاکلین کنېډي په ډالاس ښار کې پر ده له برید څخه څو شیبې مخکې.  جان اف. کنېډي د ۱۹۶۳ کال د نوامبر په ۲۲مه د ډالاس کې ترور شو.

د  جان اف. کنېډي د جنازې مراسم د سن ماتیو کاټدرال په کلیسا کې ترسره شول. ویر کوونکو په سپینې ماڼۍ کې هم د احترام مراسم ترسره کړل. د نوامبر ۲۵مه ۱۹۶۳.

د  جان اف. کنېډي مېرمن ژاکلین کنېډي د له خپلو دوو ماشومانو کارولین او جان جونیر، د کنېډي ورونو اډوارډ او رابرټ سره د  جان اف. کنېډي د جنازې په مراسموکې. ۲۶ نوامبر ۱۹۶۳.

 د ازادۍ راډيو څه په مننه

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۹/۰۳

 د نړۍ تر ټولو لوړ انسان واده وكړ.

 

سلطان كوسېن چي دوه متره او ۵۱ سانتي متره ونه لري او د نړۍ د تر ټولو لوړ انسان عنوان يې خپل كړى دى د سوريې د هېواد نه د مروه ديبو سره خپل ژوند شريك كړ.

سلطان چي د هېواد په سوېل ختيځ كي د ماردين د ولايت په يو كلي كي اوسيږي دده په وينا د `` د خپل ژوند د ميني`` سره يې واده وكړ. د سلطان د لاسونو اوږدوالى ۲۷ سانتي متره او د پښو اوږدوالى يې ۳۶،۵ سانتي متره دى چي پدې برخه كي هم د نړۍ د ترټولو اوږدو لاسونو او پښو لرونكي انسان په توګه د ګېنس د ريكارډونو په كتاب كي ثبت دى.

د سلطان كوسېن واده د ماردين د ولايت والي هم ورغلى وو چي د كورنيو چارو د وزير معمر ګولر په استازيتوب د مباركۍ پيغام وړاندي کړ. نوموړي وويل چي په پلازمېنه انقره كي د ګولر د كاري مصروفيتونو نه امله يې ونشو كولاى چي په واده كي ګډون وكړي.

ويل كيږي چي د سلطان كوسېن د واده دريشي د شپږ متره رخت نه د دريو ورځو هلو ځلو په پايله كي ګنډل سوې ده.

سلطان كوسېن چي په ۱۹۸۲ كال كي د مارين په ولايت كي زېږېدلى دى په ۲۰۰۸ كال كي يې د نړۍ د تر ټولو لوړ انسان لقب ترلاسه كړى وو چي اوس هم ورسره دى.

مروه ديبو بيا د خپل مېړنه شاوخوا ۸۵ سانتي متره ټيټه ده خو د نوموړې په وينا د وني په برخه كي د سلطان سره هېڅ ډول ستونزې نه لري او ډېره خوشاله ده چي د خپلې ميني سره يې واده كړى دى.

 

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۸/۰۶

یوه ایرانۍ نجلۍ د خپل ښایست له کبله نشي کولای په ولایتي شورا کي استازي شي

یوه ایرانۍ نجلۍ په دې خاطر چي زیات ښایست لري ، په ولایتي شورا کي له چوکۍ نه تر لاسه کولو محرومه شوه .

دا نجلۍ نینا سیاهکالي مرادي نومیږي ،له څوارلسم ټولګي نه فارغ شوې ده . هغي د ایران په ټاکنو کي ځان د قزوین ولایتي شورا ته نومولی وو . تر ټاکنو وروسته مالومه شوه چي نینا څه د پاسه لس زره رایي لاس ته راوړي وې او د ۱۶۳ نوماندو په کتار کي تر ټولو زیاتي رایي ګټلي وې چي په ښکاره توګه یي د قزوین په ولایتي شورا کي چوکۍ کټلې وه .

خو دا نجلۍ د ټاکنو د کمیسیون له پلوه رد شوه او اجازه ور نه کړه شوه چي ولایتي شورا کي خپله چوکۍ باندي کښیني . د ټاکني کمیسیون د نینا د ردي پر وړاندي داسي دلیل ویلی دی » موږ نه شوه کولای چي شورا ته د مدلانو لپاره لاره هواره کړو او هلته د ښایست مدل ته ځای ورکړو «

د نړۍ په رسنیو کي چي ددې نجلۍ د نومولو په اړه راپورونه خپاره شوي دي ،له اسلامي کتني له اړخه د هغي په نومولو کي کوم داسي غیر اسلامي کړنه نه لیدل کیږي او نه کوم داسي ثبوت وړاندي شوی دی .

د ۲۷ کلني نیناسیاهکالي مرادي حریفانو ویلي دي چي ددې نجلۍ پوسترونه چي د ټاکنو لپاره په هر ځای کي ځوړند شوي وه ، خلک  ځان ته جذب کړه او له همدي کبله زیاتو خلکو دي ښایستي ته رایي ورکړې .

له ټول افغانستان څخه په مننه

ژباړه : احمدالله رحماني

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۶/۱۹

د زيمبابۍ بې ارښته پيسې

د زيمبابۍ پولي واحد ډالر دئ د يوه امريکايي ډالر سره يې د تبادلې بيه ٢٥ ميلونه ډالره ده!

 

دا سړى ځي وبازار ته او د يو قلم رانيولو پسي د يو قلم رانيولو معادلي پيسې وړي

دا يو درمند پيسي د يو امريکايي ډالر رانيولو بيه ده

 

 

او دا هم ......

وبخښئ لږ لار خو راکړئ بار مي دروند دئ

 

پدې سل ميلونه ڼوټ څه شي رانيولاى سې؟

فقط درې دانې دچرګي هګۍ

دا پيچاره وږى دئ پدې لږو پيسو بل څه رانيسي ؟

 نيمه ډبل روټي

د ډوډۍ خوړلو لپاره څه پيسي اخلي

او داهم د ډوډۍ خوړولو بيل

 

:: اړونده موضوع: زما ژباړي، جالبي پيښي
:: تړاو: جالب

ن : ت : ۱۳۹۲/۰۵/۳۱

يوې مصرۍ نجومي وړاند وينه کړې ده چي اوباما به ډير ژر ترور کړل  سي

د مصر خبري رسنۍ اخبارک(akhbarak) تيره ورځ پخپل راپور کي د ميرمن ((جوي عياد )) له قوله ليکلي دي چي په نيژدې راتلونکي کي به اوباما ترور کړل سي دې نجومي او ستوري پيژندونکوي ويلي چي د امريکا د متحده ايالاتو ولسمشر به په نيژدې راتلونکي ترور سي.

همدا رنګه دا وړاند وينه کوي چي  امريکا به د سختو او ويرنوکو سيلابونو او طوفانونو په غيږ کي را ايساره سي، چي سخت مالي او ځاني تاوانونه به ور واړوي.

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۴/۲۲

ددې ښځي قد ١٨٨ سانتي متره دئ پداسي حال کي چي د ميړه قد ئې يوازي او يوازي ٨٠ ساتنۍ دئ ولي بيا هم پرته د کومي کمۍ د احساس څخه خوښ خوشحاله ژوند لري.

دا لنډى سړى چي  Vern Troyer نوميږي فلمي اداکار او په څو مشهور فلمو کي لکه د هري پارتر او نورو کي ئې کار کارکړى دئ، نوموړي د خپلي يوې دوستي Geneviève Gallen سره چي د يوګا ښوونکې ده واده وکړ.

په زړه پوري خو داده که ښځه ناسته او څښتن يې ولاړ وي خو بيا هم ښځه جګه مالوميږي.

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۴/۲۰

د العالم خبري رسنۍ په حواله د کعبې شريفي د مسجدالحرم د پراخيدو چاري د عثماني دورې د حرم او پخواني حرم په نړو سره پيل سوي دي.

ددې تاريخي او قديمي برخي په نړولو سره  ځيني سخت په غوسه دي چي ولي يې د مسجدالحرام عثماني او تاريخي برخه له منځه يو وړل.

د مسجدالحرام د ختيځي او شمالي برخي د نړولو  وروسته د پراخولو چاري په خورا ګړنديتوب سره پر مخ درومي .

عبدالرحمن السديس چي مسجدالحرام او مسجدالنبي  د چارو لوى رئيس دى وايي چي د حرم شريف د پراخيدلو چاري د نقشې مطابق پر مخ ځي او ٢٤ ساعته کار پر روان وي، چي ددې سره به د زيارت کونکو او حاجيانو لپاره ډيري اسانتياوي را منځ ته سي.

د سعودي وهابي رژيم چي د مقدسه اماکنو د منځه وړلو لړۍ ئې له ډيره وخته را پيل کړې ده داسي ودانۍ او مقدسه ځايونه له منځه وړي چي قدامت ئې سلونو کلونو ته رسېږي، دا لړۍ چي دوې لسيزي وړاندي پيل سوې ده تر اوسه ئې تقريبا ٩٥ سلنه ځايونه تخريب کړي او له منځه يې وړيدي.

د مسجدالحرام تر پراخيدلو وروسته نقشه

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۴/۱۸

پيغله (چن سيوآن) د چين د هبئي ايالت اوسېدونکې ده، په يو خارق العاده فکر سره کولاى سي چي په يو وخت د دواړو لاسونو په ګوتو ليکنه وکړي.

دا نجلۍ چي ژباړنه ده کولاى سي په يو لاس انګليسي او په بل لاس چنايي خط وليکي، دا وايي کله چي ما په ښونځي کي په دواړو لاسونو ليکل وکړل ټولګيوالي مي حيراني او راسره په ضد کي سوې، غوښتل ئې چي دوى هم په دواړو لاسونو ليکل وکړي خو وئې نکړاى سواى چي څه وليکي.

هغه کسان چي ددې پيغلي هنر ئې نه دى ليدلى، دا خبره ورته د نه منلو وړ ښکارې خو ځيني بيا ددې خبر په ليدلو او اورېدلو سره د ځان په ازمويلو کوښښ کوي چي ځان بريالى کړي.

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۴/۱۸

٦٧ کلن هندي وګړى صيحون چان په نړۍ کي د لويي کورنۍ يا کهول څښتن دئ

چان د  ٣٩ مېرمنو څخه  ٩٤ اولاده لري د ١٤ مږندو څخه ٣٣ لمسيان لري دا ښاغلى په يو لوى کور کي چي ١٠٠ خوني لري  ژوند کوي، او ټوله کورنۍ ئې همدلته ورسره مېشته ده.

   دا هم د ښاغلي چان کور دئ

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۳/۰۹

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۳/۰۴

  د خالونو پلار

ټومي ويلز چي د برتانيې اوسيدونکى دئ د خالونو د پلار په نامه مشهور دئ

د ويلز ټول بدن په خالونو پټ دئ
پر ټول بدن يې تر زرو ډير خالونه وهلي دي.

ويلز ٦٩ کلن دئ په ١٧ کلنۍ کي يې د خالو په وهلو شروع کړې ده

د ٥٢ کلو را پدېخوا يې هر ورځ همدا کار دئ چي پر بدن خالونه ووهي

که څه هم ميرمن يې دده د خالو سره سخته خلاف وه خو دى د خالو سره بې حده

شوق لري او د ميرمني خبري ئې بابيزي ګڼلي دي

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۲/۱۸

په نړۍ کي ډيري جوړې کوښښ کوي چي داسي ودونه وکړي چي د نړيوالو پام ځانته راواړوي تر څو له يوې خوا ډير مشهور سي او له بلي خوا يې داسي واده کړى وي چي بلي جوړې نه وي تر سره کړى.

دا تصويرونه چي تاسو يې وينئ ، د عادت او دود څخه خلاف د واده مراسم دي، په زړه په پوري دي.

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۲/۰۷

دا امريکايي سرتيرى چي د طالب جنګياليو سره  په جګړه کي ټپي سوى ، د سر په برخه کي لګيدلى و،

تر سختي درملني وروسته د يوې پيغلي سره،

چي دده خدمت يې کاوه واده وکړ.

درې کاله مخکي دا سر تيري د ٢٤ کلونو په عمر

افغانستان کي د يو طالب جنګيالي لخوا پر سر وويشتل سو،

د ډاکترانو او متخصصينو تر تداوي لاندي وو،

چي د اشلي په نوم ٢٣ کلني  پيغلي يې پرلپسي پالنه کول،

تر پوره روغتيا وروسته يې له پيغلي اشلي سره واده وکړ.

دا سر تيرى وايي :

اشلي زما مينه زما ژوند او زما هستي ده،

زه ددې له برکته ژوندى سوم او وروسته

تر ٩ مياشتو دادى بيا د خدمت جوګه يم

دوى به ٦ مياشتي په ميله وزي او مختلفو هيوادو ته به سفرونه کوي

:: اړونده موضوع: جالبي پيښي
:: تړاو: خاطره

ن : ت : ۱۳۹۲/۰۲/۰۴

د نجونو سنتي يا ختنه په افريقايي او د منځني ختيځ

هيوادونو کي ډيره دود او رواج ده.

د عراق په شمال کي هم پر ښځو دا  دود تطبيقيږي،

چي ډير زوروونکى او دردونکى دئ.

اوه کلنه شيلان د تړلو دروازو تر شا په يوه خونه کي،

د پاکۍ په تيره چاړه سنت کړل سوه،

پداسي حال کي چي ژړا شور او فرياد يې،

کور او کلى پر سر اخيستى و.

 د عراق په شمال کي ٦٠ سلنه نجوني سنتي کيږي،

چي ددې عمل د مخ نيوي لپاره تر اوسه کومه هڅه نه ده سوې

او نه عراقي چارواکو ددې کړني مخالفت کړى.

شيلان د خپلي سنتۍ څخه نا خبره وه،

ځکه چي مور يې ورته ويلي و،

د ګاونډيانو کور ته د ميلمستيا لپاره ځو،

کله چي د ګاونډيانو کور ته ولاړه،

هلته يې مور د کالو دايستلو وويل،

دلته نو شيلان پوه سوه،

په چيغو اوفرياد يې شروع وکړه.

دنورو ښځو په مرسته  شيلان پر مځکه پرې ايستل سول.

يوې ښځي دنده درلوده، چي په تيره چاړه د نجلۍ د سنتۍ عمليات اجرا کړي.

د شيلان د چيغو او فرياد په وړاندې دې ښځي په لوړ ږغ وويل:

((دا عمل د خداي په حکم اجرا کوم))

دشيلان چغي په ټول کلي کي اورېدل کېدې.

تر ستنۍ وروسته د شيلان مور چي لور يې ژړل،

پداسي حال په غيږ کي نيولې وه،

چي له څېرې يې د خوښۍ او رضايت نښي له ورايه ښکارېدې.

د شيلان مور نه پوهيدل چي ولي شيلان سنتيږي،

خو ددې په فکر دا د خداي حکم دئ چي نجوني بايد سنت سي.

د عراقي کردانو يوه زړه ٩١ کلني بوډۍ وايي:

((زه دهغه ښځي د لاس ډوډۍ نه خورم چي سنت سوې نه وي))!

خو د شيلان په ډول نجوني بيا وايي:

(( که دوى د نا سنت سوو نجونو د لاس ډوډۍ نه خوري،

بيخي  دي يې نه خوري،

کاشکي موږ هيڅ وخت دادرد نه ليدلاى))

 په ډيرو اسلامي هيوادو لکه افغانستان کي هم دا کړنه غير انساني بلل کيږي

:: اړونده موضوع: جالبي پيښي
:: تړاو: دود

ن : ت : ۱۳۹۲/۰۲/۰۴

په دنيا کي انسانان په مختلفو ناروغيو اخته کيږي چي هره ناروغي ځانته درد او زحمت لري، دا کوچنۍ نجلۍ په يو ويرونکي ناروغي اخته ده او نسي کولاي چي د ژوند له خوښيو څه خوند واخلي.

رونابګوم  هندۍ نجلۍ چي د ١٨ مياشتو ده،

د يو بدي ناروغۍ چي ((hydrocephalu))  په  نوم ياديږي کړيږي.

 دا ناروغي ددې سبب سوې چي ډيري اوبه ددې نجلۍ مغز ته ننوتي او هلته پاته دي،  ددې نجلۍ کورنۍ په يو کليواله سيمه (جيرانا) کي اوسيږي دومره پيسې نه لري چي ددې نجلۍ درملنه په وکړي.

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۱/۲۷

داسي کب (ماهى) به مو نه وي ليدلى چي لاسونه ولري وګورئ

دا کب د اول ځل لپاره په ١٩٩٩ کال کي وموندل سو.

په زړه پوري داده چي دا ګب د خپلو لاسو په واسطه ابازي کوي

پوهان  وايي چي دا ډول مبانو ٥٠ ميلونه کاله مخکي په سمندرونو او بحيونو کي موجود وه دا کب د استرليا په سهيل ختيزه سيمه کي موندل سوى

:: اړونده موضوع: جالبي پيښي
:: تړاو: جالب

ن : ت : ۱۳۹۲/۰۱/۰۳

:: اړونده موضوع: جالبي پيښي
:: تړاو: جالب

ن : ت : ۱۳۹۱/۱۲/۳۰

:: اړونده موضوع: جالبي پيښي
:: تړاو: هنر

ن : ت : ۱۳۹۱/۱۲/۲۷

د مطلب پاته برخه ...

:: اړونده موضوع: جالبي پيښي
:: تړاو: حيرانوونکي ځايونه

ن : ت : ۱۳۹۱/۱۲/۲۴

:: اړونده موضوع: جالبي پيښي
:: تړاو: جالب

ن : ت : ۱۳۹۱/۱۲/۲۲

:: اړونده موضوع: جالبي پيښي
:: تړاو: جالب

ن : ت : ۱۳۹۱/۱۲/۲۱

په ٢٠١٣ کال کي د نړۍ شتمن او بډاى خلک

 کارلوس اسليم هلو

١: کارلوس اسليم هلو، د مکزيک  اوسېدونکى  د  ٧٣ ميليارده ډالرو په ارزښت سرمايه لري  چي د مخابراتو له لاري يې لاس ته راوړې.

کارلوس د څلورم ځل لپاره د دنړى شتمن کس معرفي سو.

نوموړى د اسپانيې د رويال او اويدو فوټبال ټيمونو ستر سهم لرونکى دئ.

کارلوس په نړۍ کي د لوږي او فقر د ورکولو په پروګرام کي فعاله ونډه لري.

بيل ګيټس

٢: بيل ګيټس امرکايې تبعه دئ چي ٦٧ ميليارده سرمايه لري.

نوموړى د خپلي شتمنۍ څخه ٢٨ مليارده د خطرناکو نارغيو لکه

د کوچنيانو د ګوزڼ يا فلج او د ملاريا د ورکولو لپاره بيلي کړي.

کيټس په مايکرو سافټ شرکت کي  ٥% سهم لري،

چي ١٨% ګټه دهمدغي لاري ورته راځي.

آمانسیو اورتگا

٣: آمانسیو اورتگا د اسپانيې اوسېدونکى د ٥٧ مليارډو ډالرو په ارزښت شتمني لري.

نوموړى د اينډيتکس شرکت موسس او ٦٠% سهم لرونکى دئ.

وارن بافټ

٤: وارن بافټ: د امريکا تابعيت لري

د ٥٣،٥ مليارډه ډالرو په ارزښت شتمني لري.

 لري اليسون

٥:لري اليسون دى هم دامرېکا متحده ايالاتو څخه دئ.

چي شتمني يې و ٤٣ ميليارډو ډالرو ته رسيږي.

چارليز کخ

٦: چارليز کخ يا ډيويډ کخ امريکايي چي د ٣٤ ميليارډو ډالرو په ارزښت سرمايه لري.

ليکا شينګ

٧: ليکا شينګ د هانکانګ هيواد دشتمنو څخه دئ چي د ٣١ ميليارډو ډالرو  سرمايې څښتن دئ.

نوموړى د اسيا د شتمنو په ډله کي اول مقام لري.

په اوس وخت کي  ٢٦٠،٠٠٠ نفره د نړۍ په ٥٢ هيوادو کي دده لپاره کار کوي.

ليکا د برتانيې او اسټراليا د ګازو تمويلونکى دئ.

ددې ترڅنګ نوموړى د فيس بوک په ټولنيزه شبکه او ځينو مشهورو ټلوېزونو کي برخه لري

:: اړونده موضوع: جالبي پيښي

ن : ت : ۱۳۹۱/۱۲/۱۸

په زړه پزري يې نه بولى

*

**

***

نه بابا تاسو پر ګول شوټ نسى وهلاى

 دده څه يې ذده کړئ

*

*

 ددې ځوان موټور چلونکي چالاکۍ ته صد سلام دئ

*

*

 دې ته وايې ټکر او ساتنه

*

*

ځان به ديغت (خفګان ) ته نه ورکوي دا هم يو ډول ځانځاني لوبه ده

 يو ناروغ د قوي روحيې سره د ناروغۍ پر بستر

:: اړونده موضوع: جالبي پيښي

ن : ت : ۱۳۹۱/۱۲/۱۰

امريکايي مجلې فارن پاليسي (Foreign Policy) د نړۍ پنځه ښه رهبران پدې ډول ياد کړي

 

٢ميرمن جوزه بانډا(José Banda)  په جنوبي افريقا کي د  ملاوي هيواد ولسمشر د پراخو اصلاحاتو په راوستلو او دده نه مخکي ولسمشر د منفي کارونو په جبران سره دوهم مقام ګټلى

٣عبدالله واد د سنګال مخکنى ولسمشر چي له ١٢ کاله واکمنۍ وروسته يې قدرت بې له جنجاله وسپاره او په ټاکنو کې برخه واخيسته کله چي ناکام سو ماته يې ومنل ځکه نو په دريم مقام کي ځاى لري

 

٤فرانسو اولانډ د فرانسې ولسمشر ددې په خاطر چي په کال ١٩٦١ کال يې هيواد د الجزير د مهاجرينو سره ظلم باندي اعتراف وکړ، او الجزاير ته يې سفر، په اروپا کي د اقتصادي بحران په وړاندي دده ښه پلان ددې باعث سو چي دى څلرم ځاى ونيسي

  

٥ خوزه موخيکا د اروګايان(Uruguayan) هيواد ولسمشر  چي د خپل معاش ٩٠% په خيريه کارونو کي لګوي، په يو ساده موټر کي سپريږي نوموړى د نړۍ د فقيرترينو ولسمشرانو له جملې څخه شميرل کيږي موخيکا په خپل هيواد کي لوى اقتصادي او ټولنيز اصلاحات راوستلي.

 

:: اړونده موضوع: جالبي پيښي

ن : ت : ۱۳۹۱/۱۲/۰۶

په نړۍ کي ډيري زړې او غټي وني

١: Arbol del Tule

دا ونه د مکزيک هيواد د سانتا په د واهاکا په ښار کي شنه ده چي  ډيره پنډه او لويه ده څوک فکر کوي چي دا به څو وني سره يو ځاى سوي وي خو د DNA ازمويني ښودلې چي دا يوه ونه ده، ددې وني تخميني عمر د ١٢٠٠ او ٣٠٠٠ کلو ترمنځ اټکل سوى دئ.

Avenue of the Baobabs

دا وني د ماداګاسکار  Madagascar په لويدويځ کي ولاړي دي چي کابو ٨٠٠ کاله عمر لري

:: اړونده موضوع: جالبي پيښي

ن : ت : ۱۳۹۱/۱۲/۰۲

:: اړونده موضوع: جالبي پيښي

ن : ت : ۱۳۹۱/۱۲/۰۱

:: اړونده موضوع: جالبي پيښي
:: تړاو: جالب

ن : ت : ۱۳۹۱/۱۱/۲۹

د ترکيې د خبري اژانس په حواله

دنړۍ د ځينو ولسمشرانو مياشتى معاش د ډالر په حساب

:: اړونده موضوع: جالبي پيښي

ن : ت : ۱۳۹۱/۱۱/۲۸

:: اړونده موضوع: جالبي پيښي

ن : ت : ۱۳۹۱/۱۱/۲۷

:: اړونده موضوع: جالبي پيښي
:: تړاو: جالب

ن : ت : ۱۳۹۱/۱۱/۲۶

:: اړونده موضوع: جالبي پيښي
:: تړاو: حيرانوونکي ځايونه

ن : ت : ۱۳۹۱/۱۱/۲۰

:: اړونده موضوع: جالبي پيښي

ن : ت : ۱۳۹۱/۱۱/۰۶

:: اړونده موضوع: جالبي پيښي

ن : ت : ۱۳۹۱/۱۰/۱۸

ايا کله مئين سوي ياست؟

ښه راسئ چي يوه ازموينه درڅه واخلم خو پام به کوئ چي  ريښتينولي به په جدي ډول په  نظر کي نيسئ.

لاندي پوښتني په هو او نه جواب کړئ

١ پوښتنه: سور رنګ مو خوښ دئ؟

٢ پوښتنه: درواغجنه حندا کولاى سئ؟

٣ پوښتنه:شعر مو خوښيږي؟

٤ پوښتنه:د مقابل شخص سره د خبرو په وخت جرئت دلاسه ورکوئ؟

٥ پوښتنه: آيا ژاولي ژوئې؟

٦ پوښتنه: موسيقي اورئ؟

٧ پوښتنه :  ماډلي ژوند مو خوښ دئ مطلب ښه وريښتان، ښايسته کالي  او نور؟

٨ پوښتنه:  دهلک يا نجلۍ سره مينه کول ښه کار ګڼئ؟

٩ پوښتنه: خپله معشوقه په قصدي ډول ځوروئ؟

١٠ پوښتنه: يوازيتوب مو خوښيږي؟

١١ پوښتنه: ايا په مينه کي ښکلا مهمه ګڼئ؟

١٢ پوښتنه: د تگ په حال کي خپل د لاسو پښو او سترګو حرکاتو ته پاملرنه کوئ؟

١٣ پوښتنه: د بد حالت په ليدلو  ژاړئ؟

١٤ پوښتنه: ايا پيسې مو خوښيږي؟

١٥ پوښتنه: خپل ځان درته ډير ګران دئ؟

١٦ پوښتنه: ايا ځان هميشه خوشحاله احساسوئ؟

١٧ پوښتنه: ايا خوشحالي يوازي د خپلي معشوقې په وصلت کي وينئ؟

 ١٨ پوښتنه:  دا مو خوښيږي چي تاسو تر خپلي معشوقې ښايسته و اوسئ؟

١٩ پوښتنه: ايا واده دميني وروستى  پړاو ګڼئ؟

ښه اوس چي مو ټولو پوښتنو ته دهو  او  نه جوابونه وويل راسئ چي پوښتونو ته نومرې ورکړو
١: له يوه څخه تر يولس پوري پوښتنو ته هر مثبت جواب  يعني (هو) ته پنځه نومرې او منفي يعني (نه)  ته صفر ورکړئ

٢: له يولسمي څخه تر شلمي پوښتني پوري هر منفي يعني (نه) ته لس  نومرې او مثبت يعني (هو) ته صفر نومرې ورکړئ

 

پايله: که مو دنومرو مجموعه له ٢٠ څخه تر ٢٥ وي نوتاسو يو مغروره او کبرجن انسان ياست کوښښ وکړئ چي په کرکټر کي مو بدلون راولئ.

که مو د نومرو مجموعه د ٣٠ او ٣٥ تر منځ وي نو ځان هجران ته اماده کړئ ځکه ستاسو په منځ کي يو غماز سته چي ستاسو خوښي نسي زغملاى.

که مو نومرو مجموعه د ٤٠ او ٤٥ تر منځ وي نو  هيڅکله ومئين ته په  سپک نظر مه ګورئ  دخپلو ملګرو خوږې مشورې  واخلئ

که مو د نومرو مجموعه د ٥٠ او ٥٥ تر منځ وي نو ډير ژر به ديوې نجلئ او يا هلک سره اشنا سئ خو  دا اشنائي به مو بيخي لنډ  مهاله وي ځکه ستاسو مينوال پر تاسو نه بلکي ستاسو وشتمني او ښکلا ته هوسيږي.

که مو دنومرو مجموعه د ٦٠ او ٦٥ تر منځ وي ډير ژر به ستاسو مينه په واده بدله سي  او که خداي کول تر واده وروسته به مو لومړى اولاد هلک  وي.

که مو دنومرو مجموعه د ٧٠ او ٧٥ تر منځ وي نو مينه او هوس ډير فرق لري کوښښ مه کوئ چي ميني ته مو د هوس جامې ور واغوندئ

که مو دنومرو مجموعه د ٨٠ او ٨٠ تر منځ وي  که څه هم خپله معشوفه در باندي له ځانه ګرانه ده خو  د مور او پلار ابرو او عزت هم په خيال کي ساتئ

که مو دنومرو مجموعه د ٩٠ او ٩٥ تر منځ وي نو سنګين او وفادار اوسئ بې ځايه مه خاندئ بې اندازې ټوکي مه کوئ

اتل

:: اړونده موضوع: علمي او تحليلي، جالبي پيښي، سرګرمۍ او انځورونه

ن : ت : ۱۳۹۱/۱۰/۱۱

Related terms

Rising

sunny leone +200% غزاله جاوید +160% ghazala javed +140% fb +130% cricinfo +90% kabul weather +70% espn +60% goal.com +60% waptrick +60% فلم سکس +60%

:: اړونده موضوع: جالبي پيښي

ن : ت : ۱۳۹۱/۱۰/۰۶

:: اړونده موضوع: جالبي پيښي

ن : ت : ۱۳۹۱/۱۰/۰۴

درنو لوستونکو

که غواړى چي خپل عکس په اتومات ډول ښاسته جوړ کړئ نو له دې ويبپاڼي څه په کار اخيستو خپل ښايسته تصويرونه نورهم ښکلي کړئ.

http://www.photofacefun.com

:: اړونده موضوع: جالبي پيښي

ن : ت : ۱۳۹۱/۰۹/۲۹