سخن روز

څوک سته چي زما پوښتني ته جواب راکړي؟
خلکو وویل، هو ووایه، د څه شي پوښتنه لرې؟
بوډا پوښتنه وکړه؛ که زه یو سېر وریجی وکرم، څو سېره لوبیا ځیني اخیستلای سم؟
خلکو ورته وویل: چی وریجي وکرې، وریجي درکوي، نه لوبیا!
بوډا بیا پوښتنه وکړه، که یو سیر غنم وکرم، څو سېره وربشي په لاس راځي؟
خلکو پر وخندل، ویل بوډا لیونی سوی یې؟
بوډا یې په جواب کي وویل: کله چي ګناه کوئ، څنګه له الله څخه د جنت هیله لرئ؟
ایا جنت د ښو عملونو په بدل کي درکول کېږي، که د ګناهونو په بدل کي؛ ووایاست چی زه لېونی یم، که تاسو؟

خوب وینم، هر خوا څه، ډله ډله خلک راغلل
وسله یې پر اوږو وه، له سنګره خلک راغلل
د ښار له منځه راغله، له لوی غره خلک راغلل
یو بل سره په غېږ سوه،خولې یې ډکي له خندا
خوب وینم عالمه که یې څوک راکړي معنی

د کندهار مشهوره ديني عالم او شاعر سيد عبدالرحمن شاه آغا چي په ګلابي آغا سره شهرت لري، د سيد نورمحمد شاه اغا زوی او د سيد محمدجان آغا لمسی دئ، په ۱۳۰۲ل کال د کندهار ولايت د ارغنداو ولسوالۍ په ميانجۍ کلي کي زېږېدلی دئ، په خټه سيد دئ.
ګلابي اغا ديني زده کړي په خپله کورنۍ کي له خپل پلار او اکاګانو څخه کړي، وروسته ديني مدارسو ته تللى او د پاکستان په حقانيه مدرسه کي ئې هم زده کړي دي.
د تصوف په برخه کي د بغداد د شيخ عبدالقادر جيلاني رحمه الله په قادريه طريقه کي شامل وو.
د طالبانو د اسلامي امارت په وختونو کي د عدلیې او بهرنيو چارو په وزارتونو کي ئې د مشاور په توګه دنده اجراء کړې ده.
مولوى ګلابي اغا ټول ژوند طالب علمانو ته په تدريس کي تېر کړى دئ.
و پاکستان، هند، ايران، ترکيه. عربي امارات، شام، عراق، اردن اوسعودي عربستان ته ئې سفرونه کړي دي.
مولوى ګلابي اغا څو واره زندان ته اچول سوى؛ د ظاهرشاه په واکمنۍ کي څو مياشتي له وهابيانو سره د مبارزې له امله بندي وو، چي وروسته د داودخان په نظام کي ازاد سو؛ اتلس مياشتي د ډاکټر نجيب په حکومت کي بندي سوی، څو مياشتي د نورمحمد تره او ببرک کارمل په دورو کي هم بندي سوى دئ.
مولو ګلابي اغا پنځه ودونه کړي، يوه مېرمن ئې وفات سوې ده، يولس زامن لري.
له شعر او ادب سره ئې د عمر په ١٢کلنۍ کي مينه پيدا سوې ده، همدې ميني شاعر کړى دئ؛ د کندهار د اولسي شاعرانو په ډله کي ځان ته ځانګړى ځاى لري، په شعر کي يې اخلاقي،عشقي، تصوفي او نور ټولنيز موضوعات راغلي دي، مقامي شاعري ئې کړې ده.
مولوى ګلابي اغا د ژوند په وروستيو کي پر کور ناست وو، د د عمر د ضعفذله امله ئې طالبانو ته ډېر کم تدريس کاوه.
د کندهار د سيمي دا لوی ديني عالم او مشهور اولسي شاعر بلاخره د عمر په ٩٥کلنۍ کي د ١٣٩٧ل کال د اسد پر ۱۴مه د یکشنبې په ورځ د شپې پر ۹ بجو وفات سو، روح دې ښاد او جنت دې ځای وي.
ارواښاد مولوى ګلابي اغا ما (قانع) يو ځل ليدلى، خورا حليم، صميمي او له فيضه ډک مجلس ئې کاوه.
دا هم د ارواښاد مولوى ګلابي اغا د شعر نمونه چي مرحوم عبيدالله جان کندهاري د موسيقۍ په پردو کي ويلې ده.

څو ملګري په نیمه شپه کي د تفریح په نیت کښتۍ چلولو ته ولاړل، تر سپرلۍ مخکي ئې ځانونه ښه نشه کړل.
په کښتۍ کي تر ناستی وروسته ئې د پاروګانو په وهلو شروع وکړه، ښه ډېر وخت ئې د کښتۍ پاروګان ووهل.
سهار سپېدو مهال یخ شمال لږ پر سد کړه؛ ویل راسئ چي وګورو څونده مزل مو کړی دئ، ځکه تر سهاره مو د کښتۍ پاروګان وهل!
کله چي ئې ښه په دقت وکتل، وئې لیدل چي کښتۍ پر همهغه ځای چي په شپه کي وه، ځای پر ځای ولاړه ده.
فکر ئې سو چي یو شی مو هېر کړی دئ؛ دوی ټوله شپه د کښتۍ پاروګان ووهل، خو دا ئې هېر سوي وه، چي کښتۍ ایله کړي او تناو ئې له ساحله ور خلاص کړي!
#هدفــ: موږ هم په یو اوږده بحیره کي ژوند کوو، که مو کښتۍ ایله کړې نه وي او له ساحله مو خلاصه کړې نه وي، که هر څونه زیار او زحمت چي پر ځان تېر کړو، و هدف ته به ونه رسېږو.
پوهېږئ چي زموږ کښتۍ چیری تړلې ده؟
ایا زموږ پر بدن تړلې؟
پر افکارو؟
او که مو پر عواطفو؟
بلې!
ﺑﺪﻥ، ﺍﻓﮑﺎﺭ اﻭ ﻋﻮﺍﻃﻒ دا زموږ ساحلونه دي.

بډای ورته وویل: تاته کفن درکوم او ښخومه دي.
سوالګر وویل، نن چي زه ژوندی یم، ماته کالي راکه، چي وایې غوندم؛ پرېږده چي سبا مي خلک بې کفنه ښخ کړي.

#هدفــ: چي ژوندي یو، یو د بل قدر نه کوو، چي یو مړ سي بیا نو ویش او واخ پسي کوو؛ راسئ چي سره وپالو د یو بل قدر وکړو؛ د ملګري له مړیني وروسته چي یې قبر ته ژاړئ، نن یې و مخ ته وخاندئ.