دملا غلام فاروق په اقتفا دملا شمس القمر شعر
دپارلمان په اړه
څه تقدیراوڅه برخلیک زمونږ په نام دی
چې سحر زمونږ یې کړی تورماښام دی
دوی دامونه راته جوړ او یوبل وژنو
...هم یې ایښی زموږ وینوته خپل جام دی
دا ملت چې یې ځپلی دی دیرش کاله
اوس یې ایښی ورکیدلوته بل دام دی
دقانون اودملت استازو کور یې
بدل کړی په خپل کوراو خپل غلام دی
ګوره دلته نن هریوددوی نوکردی
که یاغي و که باغي و او که رام دی
دولس ولسواکي شوه ټوله ورکه
چې په خاص او خواصي دانګریز پام دی
چې عزیزاونظري ، فاطمې دواړه
دوالي وي په خدمت دا مو انجام دی
اوقاضي نذیراحمد ددوی نوکر وي
نه قضا نه حکومت زمونږ په کام دی
چې دې څنګ ته انوري او سجا دي وي
نو دا څنګه اویاڅنګه دې اندام دی
دمشکي او دپمپي پاچاهي راغله
خبردارشه ورکیدلو ته دې ګام دی
چې خالد پښتون نوکر دمعنوي شي
اکبري مې وربخښلی په انعام دی
چې ملا او نا ملا دتره خیلو
شي ملا درته داڅرنګه امام دی
دقلات دتاریخي ښارقلات والو
تاسو ولې بیا ټاکلی یو بدنام دی
دپامیردلوړو غرونواو درواز نه
بدخشیو را لیږلی بد پدرام دی
یاد کوف او دکوفا ب دسرچینو نه
دوه بدنامه خویندې مونږه ته پیام دی
څوک موټرې څوک کورونه ورله پلوري
په پردو ښځو شورا کې غټ لیلام دی
که شاهد یامشاهد یا شهزاده وي
که دا درې وي او که یو کرنیل امام دی
سل افسوسه مې په لویه پکتیا ده
چې ځاځیو رالیږلی ښځ اندام دی
یا دتورو دتورزنودځدراڼو
پاچاخان په ځای راغلی یونا کام دی
دازبکوننګیالیوله قطاره
درحمان اوغلي په ځای کې څه بې نام دی
دوردګ محمدجان خان توره شوه پڅه
چې جنرال داود امان په کې ناکام دی
دسیحون په څنډه نه وه کوم ملاله
چې بیرغ دې نن په لاس کې دشیورام دی
دتخاراویامزار یاسرپل نه
نه ترکمنو نه ازبکونه پیام دی
دکندز دکندزیانو خوله شوه چوپه
چې مرستیال پرځای راغلی چوپ کلام دی
نو داڅرنګه شورا ولسواکي ده
چې هرات نه دقامونو لامقام دی
دغزني دپښتنو استازي لوټ شول
دشملواو دپټکیو بدفرجام دی
غزنوي محمود سلطان جیغه شوه خړه
سلطان زوی ځکه را پیل دغه قیام دی
ننګرهاراو دکنړ دعظمتونو
چې یې نوم په هره ټیټه او په بام دی
او ویل به یې دستار سړي په شمار دي
نن هغه دستار یې غاړې ته لجام دی
چې دی ناست دی دخپل پلار قاتل ترڅنګه
دشهید قدیروارث ته لوی دشنام دی
لکه دا چې دعرب عجم جګړه وي
قانوني خنجر ویستلی له نیام دی
دسیاف او هزارو شخړه توده شوه
محقق ورته له قم نه بل مقام دی
خلک وايي دا وړۍ نه شړۍ کیږي
ځکه هرې ډلې ایښی بل ته دام دی
دملاغلام فاروق په اقتفا کې
دملا شمس القمر دغه پیغام دی
:: اړونده موضوع:
غزلزار
:: تړاو:
طنز
په زړه پوري شعر د پارلمان په اړه چي هم دخندا هم دژړا وړ دي
څه تقدیر څه شرنوشت څه انتقام دی
دژوندون سهارمو څنګه تور ماښام دی
داچې ټوله دمرګي پرخوب ویده یو
اړولی مو پرسر دزهروجام دی
دقانون کوربې قانونه مسخره ده
دملت کور دارذالو ازدهام دی
انسانان په کې خرڅیږي په بولیو
پارلمان نه دی دکان دګنګارام دی
دافغان خوله ده له خاورو څخه ډکه
داغیارو دبړیڅو شیرین کام دی
حدیثونه غوبلونو ته ورښايي
دسیاف دتدریس څه خراب انجام دی
دهیواد دنوامیسو قانون پلوري
قانوني دغلامانه ذهن غلام دی
دنقیب د پرنګي نوکرۍ زور دی
چې اسحاق دانګریزي خنجر نیام دی
محقق اوبهزاد بیا میخکوب ته جوړشول
چې تړلی یې مظلوم کابل ته لام دی
چې شورا یې جرثومه دتعفن کړه
دمارشال دشامیې حس ته سلام دی
کله جنګ کا کله مچه ترېنه اخلي
ملا ایښی دبکتاش سومبۍ ته دام دی
فوزیه دشهوتونو عجوبه ده
هر مینده پرتوګ ویستلی پاس پر بام دی
یاسیني پرپنجابي دال شکر کاږي
دایران دجاسوسۍ سمبول پدرام دی
په سجده کې دابلیس سندره وايي
معنوي داسې ملا داسې امام دی
پنډکي ترې چنګیزي پنډیانو یوړل
پرافغان وطن ګډ شوی څه لیلام دی
ټول برباد دي چې یې ځای وي په ولس کې
دملت دشړل شویو لوړ مقام دی
دپښتون دمرګي توره تبه ګوره
چې څوک سر پورته کوي مرګ یې پرنام دی
په شپیتو رایو کامیاب حفیظ منصور شو
په زرهاو رایو تورقانع ناکام دی
میکروبونه مو زخمونو کې چاغیږي
جراسیمو را فلج کړی ټول نظام دی
پرثابت عبدالجبار مې سلام وایه
ننګرهار دی شرمیدلی ګام پرګام دی
ستا دیارکندهار هم پرهار پرهار دی
چې لالی یې وکیل شوی عام وتام دی
زما دحال پوښتنه مه کوه رقیبه
ددرد کان مې هریو رګ هر یو اندام دی
دملت دتورتمونو توره شپه کې
غلام فاروق شاعر لیکلی دا کلام دی
:: اړونده موضوع:
علمي او تحليلي
غلي شه خيال کوه وړې بنګړي دي مه شرنګوه
کړې به راجوړي حادثې بنګړي دي مه شرنګوه
په نيمه شپه کي غلى غلى ستاترڅنګ راغلمه
د غمازانو دي پيرې بنګړي دي مه شر نګوه
عقل د خام دي نوي پيغله د مستۍ يې ډکه
دې کې راځي ډيري قيصې بنګړي دي مه شرنګوه
لاتنکۍ مينه ده تنکى عقل تنکي خيالونه
کلي کوڅې دي پښتنې بنګړي دي مه شرنګوه
:: اړونده موضوع:
علمي او تحليلي
نه يې منم!
څنګه يې ومنم!؟
راته نه پريښي چې داسې به وي
دوی راته واېي چې ښه ده، خو ته يې نه منې
ژوند به دې ورسره ښه شي
تاسې ووايې زه يې څنګه ومنم؟! ما يې يواځې نوم اوريدلی
رښتيا! له ماشومتوبه يې نوم اورم
هر لور ته ګورم، شپه او ورځ يې لټوم
خو! دا به چيرې وي؟؟؟
مشران يې ټول راته يادوي
او د دوی په خبرو مې نور باور نشته
همدغه مشران راته وايې چې موږ ليدلې ده
ډېېېره ښه ده! او ته يې چې نه منې نو ګرم هم نه يې! ژوند خو موږ کړی! تاسې څه ليدلي!!
بيا مې همزولي پوښتم
خو ټول راته وايې چې موږ يې هم نوم اوريدلی
ګومان نه کوو چې داسې وي
که وي نو چيرته ده؟
بيا دا هر څه راته دروغ ښکاره شي
په سوچونو کې ډوب شم
له ځان سره وايم کيدای شي هيڅ نه وي
هسې نوم ده چې ياديږي
که وي! نو ولې نه راځي
همدوی يې چې صفت کوي، زه ورته سوال کوم چې يو ځل يې راولی!
د يوې ورځې لپاره يې غواړم
ما خو له سره ليدلې نده، کيدای شي زما هم خوښه شي
کلونه تير شول، خو د دې درک نشته
که يې يو ځل په ژوند ووينم، نو د څښتن به لوی شکر ادا کړم
خو ګومان مې نشي، دوی يې نه راولي! همدو رانه تالا کړې
همزوليو! سوله يادوم! چې له ماشومتوبه مې تر اوسه د يوېييييييي لحظې لپاره هم نه ده ليدلې!!!
قسم په رب چې رښتيا وايم!! ماته يې نوم هم پردی ښکاري
که سوله د ټولو لپاره وي نو زما حق څه شو؟ او که زه يې حقدار نه يم !! نو تش نوم يې هم نه اورم!!
او تاسې يې هم يواځې له نوم سره آشنا ياستی او بس!!
ډاکټر محسن هوتک
:: اړونده موضوع:
علمي او تحليلي
Afghan Afghani Converter
