هم د خوښۍ هم د خفګان ټاټوبی
زما وجـــود د درد درمــان ټاټوبی
ته بې عجبه ګڼې داسـي هم سته
وي د کافـــر زړه د ایــمان ټاتوبی
مخامخ خوږ وي لکه ږغ د ابشار
خو پسِ شا وي د طوفان ټاټوبی
د ښـــو يـارانو له ټــــولۍ سو جلا
ځوانيمرګ خوښ کړ پر بيابان ټابی
چي د پردیو په لمســـون ورانېږي
دا زموږ کور دئ د افغــــان ټاټوبي
که اوښکي نه لري په سترګو کي ځاى
شکر لري لا پر ګــــــرېوان ټاټوبى
زه له انسـانه څه انسان ته تښتم
را څخه ورک دئ پر جهان ټاټوبی
د کــوچ و بار نغــارې و ږغېدې
قانع نور نه ویني د ځان ټاتوبی
۱۳۹۹/۴/۴ ل.
:: اړونده موضوع:
زما شعرونه
:: تړاو:
منتخب
Afghan Afghani Converter
