نه دم په چا لګېږي، نه دوعا په چا لګېږي
تر کومه چې د دې وطن هوا په چا لګېږي
سپین مخ یې دی رقیب ته، تورې څڼي یې دي ما ته
تياره د چا په برخه وي، رڼا په چا لګېږي
نه نښه چا ته نیسي، نه یې خیال د عاشقي وي
نظر د ښکلیو ښکلیو په خطا په چا لګېږي
مه دوري دوري مه ګوره، ګوزار د نظر مه کړه
په ډکه میخانه کې خامخا په چا لګېږي
ښایست د مخ به نه کړي کفایت قراره یاره
زړګي ته دې هم ګوري، چې بها په لګېږي
تړاو: غزلزار
Afghan Afghani Converter