سخن روز

دا خوب يې لو پرده ده، په ويښتيا کي سره وژني

پښتون د شپې پيره وي، په رڼا کي سره وژني

د تورو واری نه کوي، نه ډز د تور ټوپک کړي

د دوو سترګو په جنګ کي، په خندا کي سره وژني

بابا او د حوا له عشقه، دا جهان ودان سو

زامنو مېنه ړنګه کړه، دنيا کي سره وژني

شٙکوَه مي له فلکه او تقديره څخه نه ده

احساس او وجدان دواړه، په جفا کي سره وژني

د شمعي او پتنګ ياري ټاکلې له ازله

له يو بله جارېږي، په خطا کي سره وژني

نه هغه يهوديان دي او نه دغه کافران دي

د بل په اشارو او په فتوا کي سره وژني

حاکم د میکدې دئ، هم قاضي د ميخانې دئ

جامونه قاتلان دي، په نڅا کي سره وژني

نه ښکلی سوې پخپله، نه د ښکلو امتي سوې

قانع بدرنګه ښه يې، دوی ښکلا کي سره وژني

د جدي ۲۵مه ۱۳۹۹ل.