په کال ١٨٣٣ م کي شيخ مکتوم بن بطي آل مکتوم د خپلي کورنۍ او خيښانو  ٨٠٠ کسيزه ډله د امارت ابوظبۍ څخه ودې کوچني کلي ته را وکوچول او هلته يې د آل مکتوم قبيلې حکمراني تاسيس کړه، تر دې وړاندي دبۍ يو کوچنى کلى و او د نور کلو سره يې هيڅ توپير نه درلود.

نن ورځ ډبۍ د نړۍ په سطحه د سوداګرۍ ستر مرکز دئ، که څه هم د ډبۍ اقتصاد پر تيلو او نفتو ولاړ دئ  ولي ډير عايد يې د جبل علي په سيمه کي پر بهرنيو اتباعو باندي د مځکو پلور دئ، چي هغوى پدغو سيمو کي د اوسيدلو، سياحت، ترانزيټ، سوداګرۍ او نور برخو کي کار کوي

نن ورځ ډبۍ په نړۍ کي د سوداګرۍ، تفريح ورزش او سياحت د لوى مرکز په توګه مطرح دئ، او د ډيرو نړيوالو توجه يې جلب کړې ده.

په ٢٠٠٠ کلو کي چي نړۍ د اقتصادي کرکيچ سره مخ سوه ډبۍ هم د لويو ستونزو سره لاس او ګرېوان وه او ٣ کاله يې سختي ربړي وګاللې، ولي د پرلپسې کار او ښې رهبرۍ په برکت  په ٢٠١٢ م کال کي ډبۍ د نړۍ ٢٢  د لوړي بيې ښار ونومول سو او په منځنۍ اسيا کي يې اول مقام خپل کړ.

وګورئ چي ډبۍ د ختيځ او لويديځ د يوې ناوي په څير څومره ښايسته ده.