د پښتو ژبي ستر او نوميالی استاد پروفيسور

کانستانتين الکساندريوويچ لېبېدېف

دپښتو ژبي ستر استاد د ۱۹۲۰ کال د مارچ په شلمه د مسکو د څنډو د کالمنسکي په ښارګوټي کي پيدا شوی دی . په سیمه کي د ښوونځي تر پای ته رسېدو پر ۱۹۳۹ کال د مسکو د ختيځ پېژندني په انستیتوت کي ئې ، دپښتو ژبي زده کړي پیل کړي دي.

  پر ۱۹۴۲کال همالته استاد شوی دی .
له ۱۹۴۹ تر ۱۹۵۴ پوري د پښتو ژبي او ادب د څانګي د مشرتابه کفیل پاتي شوی دی
له ۱۹۶۷ تر ۱۹۶۹ پوري د روسیې د بهرنیو چارو د وزارت د نړیوالو اړیکو د انستیتوت مرستیال او هممهاله دپښتو ژبي استاد و .
له ۱۹۸۱ نه تر ۱۹۸۶ پوري د مسکو د دولتي پوهنتون د آسیا او افریقا د انستیتوت د فلالوژۍ د څانګې مشر .
۹۳ کلن استاد ، لا تر اوسه هم د هماغي څانګي استاد او په هغه انستیتوت کي د پښو ژبي او ګرامر تدریس کوي.  که څه اوس زیات کار ته ورتلای نه شي .

آثار :
۱- د پښتو ژبي گرامر ، ۱۹۴۵ ( ۱)
۲- د افغانستان افسانې ، قصې او شعر ، ۱۹۵۳
۳- پښتو ژبي گرامر ، ۱۹۵۶ (۲)
۴-په روسيه کې د پښتو ژبې زده کړه . ۱۹۵۸
۵-کوچنی دايرة المعارف ، ۱۹۶۱
۶-د روسي ژبې د زده کړې درسي کتاب ، پښتو ژبه (۱) ۱۹۶۱
۷- روسي- افغاني جيبي قاموس ۱۹۶۲
۸-څرنګه کولای شو د زده کړې لپاره جالب درسي کتاب تيار کړو؟ ۱۹۶۳
۹- روسي- افغاني جيبي قاموس ۱۹۶۷
۱۰- افغاني متلونه ، ۱۸۶۷
۱۱-د روسي ژبې د زده کړې درسي کتاب (۲) ۱۹۶۷
۱۲-په پښتو ژبه کې فعل اوقيد ، ۱۹۶۹
۱۳- د روسي ژبو لپاره د پښتو درسي کتاب ، ۱۹۶۹ – لومړی کتاب .
۱۴- پښتو ژبې گرامر ، ۱۹۷۰ .
۱۵ - افغاني قصې او افسانې ، ۱۹۷۲
۱۶- دپښتو ادبیاتو زده کړه ، منتخبات ، ۱۹۷۲ .
۱۷- افغاني افسانې ، ۱۹۷۲
۱۸- د دویم او درېیم کال لپاره پښتو ژبې د زده کړې د مقالو مجموعه ، ۱۹۷۲
۱۹-د څلورم کال لپاره پښتو ژبې د زده کړې د مقالو مجموعه ، ۱۹۷۲
۲۰-د پنځم کال لپاره د مقالو مجموعه ، ۱۹۷۳
۲۱- شرقي ژبې او ادبيات ، ۱۹۷۳
۲۲- پښتو قاموس ۱۹۷۳ پښتو - روسي
۲۳- د پښتو ژبې د گرامر جدول ، ، ۱۹۷۳
۲۴- افغاني کلاسيکه شاعري ، ۱۹۷۵
۲۵-پښتو قاموس ۱۹۸۳ پښو - روسي
۲۶- د ژبې او ادبياتو مسئله ۱۹۸۳
۲۷- ، د پښتو ژبې زده کړې ، ۱۹۸۳
۲۸- د لومړی کال لپاره د پښتو ژبې د زده کړو کتاب ، د مقالو مجموعه ، ۱۹۸۳
۲۹- د دویم او درېيم کال لپاره د پښتو ژبې ، مقالو مجموعه ، ۱۹۸۳
٣٠-افسانه اوشعر ، ترجمه ، ۱۹۸۵
۳۱-پښتو-روسي قاموس ۱۹۸۵
۳۲- افغاني ولسي شاعري ، ۱۹۸۵
۳۳- د بنگ مسافری او نورو داستانو ژباړه، له پښتو نه روسي ژبې ته د نورمحمد تره کی، ۱۹۸۷
۳۵-پښتو ژبې گرامر ، ۱۹۸۸
۳۶ – د روسي ژبو د زده کړې لپآره پښتو ګرامر ، ۱۹۹۲
۳۷- په تاریخي او اوسنۍ زمانه کې افغان ولس ، ۱۹۹۷
۳۸- د روسيې ژبو لپاره  د پښتو ژبې زده کړې ، ، ۱۹۹۷
۳۹ مختصر اسلامي قاموس ۱۹۹۷
۴۰-پښتو-روسي درسي قاموس ۲۰۰۰ .
۴۱- د ديپلوماسي اصطلاحاتو قاموس ، ۲۰۰۲
۴۲ پښتو- دری او روسی درسي قاموس ، ۲۰۰۹
او داسې نورکتابونه او ډېرې مقالې او ژباړې .

 ليکوال استادبهاند